Ólafur Ragnar: Við skorum á þig að hætta!

Án þess að vera talsmaður ÓRG þá get ég ekki orða bundist yfir þeirri undirskriftasöfnun sem nú er farin af stað, þar sem skorað er á ÓRG að hætta við framboð sitt til forseta Íslands.

Þetta er ein ólýðræðislegasta undirskriftasöfnun sem ég man eftir, en hér er verið að reyna að hafa áhrif á hvað fólk fær að kjósa um í næstu forsetakosningum.

Á sem sagt ekki að leyfa almenningi að velja með kosningum, sem er hornsteinn lýðræðisríkis, hvern það vill sem forseta? Má bara velja milli einstaklinga sem eru ákveðnum hópi þóknanlegir?

Þetta er bara einfalt í mínum huga. Ef menn vilja ekki ÓRG áfram sem forseta þá bara kjósa einhvern annan! Það er rétti vettvangurinn ef menn vilja breytingar. Að reyna að útiloka frambjóðanda fyrir kosningar með þrýstingi er bara gert í ríkjum sem við viljum ekki bera okkur saman við.