Online Protest ESAMELCO

1. (PAGPROTESTA) Hingyap hini nga petisyon nga igpasabot ngan igpaabat naton nga mga kunsomidor hit ESAMELCO nga diri kita natagusya hit ira serbisyo. 

2. (POWER FLUCTUATIONS) Ini nga online petition in nag-uungara nga unta masolusyunan it power fluctuations nga maiha na nga gin-aantus hit mga estehanon. Dako ini nga perwesiyo hit aton mga gamit de-kuryente ha panimalay ngan pati ha mga lokal nga negosyo.

3. (BROWNOUTS) Hinaot unta nga masolusyunan gihap it mga pag-brownout nga waray anunsyo ngan tigda la nga pagparung hit kuryente.

4. (PLANO) Unta it ESAMELCO in maglatag hin kongkreto nga plano pagsolusyon hit problema imbes nga maghatag hin maluya nga mga pasangil. Kay baga hin waray nira klaro nga plano hini nga ira mga kakulangan. Ngan kun mayda man nira plano, kay ano nga diri nira gin aaksyunan? Ngan kun ira na ginbubuhat, kay ano nga diri man kita naabat hit improvement?

5. (LOCAL GOVERNMENT) Naaru kami hin bulig ha lokal nga gobyerno hit Sinirangan Samar mahitungod hini nga isyu. Nga unta buligan kita nira pag-aghat hit ESAMELCO nga upayon it ira serbisyo. Dako nga pakabulig kun matikang na mismo hit gobyerno it pag-aghat ngan pag-pressure hit ESAMELCO nga masolusyunan ini nga mga problema han nasabi nga kooperatiba.