Áskorun til hæstvirts innanríkisráðherra Hönnu B. Kristjánsdóttur

Ég ætla að benda fólki á nokkra hluti: Mary Luz kann á ykkur. Hún veit að þið nærist á drama. Hún er búin að spinna sögu sem hún er búin að læra utanað til þess eins að fá meðaumkun. Þegar hún sótti um íslenskan ríkisborgararétt þá var henni neitað af því að hún skuldaði skatt. Ef hún vildi sameinast fjölskyldu sinni hefði verið nóg að sækja um LANDVISTARLEYFI en ekki pólitískt hæli þar sem jú "öll fjölskyldan" þeirra var komin og hæglega hægt að sækja um það á þeim grundvelli. En hér er enn og aftur verið að leika á ykkur og kerfið, til þess eins að þurfa ekki að greiða neitt, og fá framfærslu fyrir móðurina (sem er jú komin á eftirlaunaaldur). Einnig spyr ég mig af hverju systir hennar skráir sig ekki bara einfaldalega í sambúð með manninum og sækir um landvistarleyfi á þeim grundvelli. Það væri ekki hægt að reka hana í það minnsta úr landi ef það yrði gert. Ekki láta ginnast af fölskum ásökunum um að þetta sé gert í nafni rasisma. Ég vil samt að það komi á framfæri að ég vil ekki að þeim sé stíað í sundur en mér finnst að þau hefðu átt að gera þetta eins og flestir útlendingar sem hingað koma, eins og móður mína, og sækja fyrst um landvistarleyfi - það hefði bæði tekið MUN minni tíma að fá úr því svar, og það hefði verið það réttasta að gera í þessarri stöðu.