If you link to this petition, please use the following url: https://is.petitions.net/auknar_loftgaedamaelingar_i_hvalfirdi |
Auknar loftgæðamælingar í Hvalfirði
Iðjuverin á Grundartanga losa árlega mikið magn eiturefna út í andrúmsloftið. Skaðsemi efna á borð við flúor og brennistein fyrir náttúru og lífríki er vel þekkt. Losun eiturefnanna á sér stað allan ársins hring. Þrátt fyrir það fer umhverfisvöktun vegna flúors í andrúmslofti utan iðjuveranna aðeins fram frá apríl til október, þ.e. hálft árið. Þetta gerist þrátt fyrir margítrekaðar ábendingar Umhverfisvaktarinnar við Hvalfjörð um að sum húsdýr séu á beit yfir vetrartímann.
Einnig er heimilt samkvæmt starfsleyfi viðkomandi iðjuvers, að auka útsleppi flúors á vetrarmánuðum, þegar flúor í andrúmslofti er ekki mældur, á þeim forsendum að það sé utan vaxtar og beitartíma. Sjá grein 2.1.6. í starfsleyfi:
Það er gríðarlega mikilvægt fyrir heilsu manna og dýra sem og fæðuöryggi í Hvalfirði, að hægt sé að fylgjast með eiturefnum í lofti og staðreyna mengun á hverjum tíma. Það hlýtur einnig að vera umhverfisyfirvöldum og iðjuverunum sjálfum kappsmál að hafa þessar upplýsingar.
Við biðjum þig að taka undir áskorun okkar um að auka loftgæðamælingar vegna flúors í Hvalfirði með því að ljá undirskrift þína hér að neðan.
Við skorum á yfirvöld umhverfismála að hefja vöktun á flúori yfir vetrartímann, frá og með október 2013. Mælt verði flúor í öllum mælitækjum fyrir loftgæði sem gert er ráð fyrir í gildandi vöktunaráætlun.
Nánari upplýsingar um mengandi útblástur, mengunareftirlit og Umhverfisvaktina við Hvalfjörð má finna hér: www.umhverfisvaktin.is
Umhverfisvaktin við Hvalfjörð Contact the author of the petition
Announcement from the administrator of this websiteWe have closed this petition and we have removed signatories' personal information.European Union's General Data Protection Regulation (GDPR) requires a legitimate reason for storing personal information and that the information be stored for the shortest time possible. |